Túrki memleketteri uıymynyń beıresmı sammıtinde Qarabaq deklaratsııasy qabyldandy
ShÝShA. KAZINFORM – Ázerbaıjan Respýblıkasynda Túrki memleketteri uıymynyń beıresmı sammıti ótti. Jıyn sońynda Túrki memleketteri uıymy Hatshylyǵyn nyǵaıtý týraly memleketter basshylarynyń sheshimine qol qoıyldy. Bul týraly Aqordanyń baspasóz qyzmeti habarlady.
Sonymen qatar sammıt qorytyndysy boıynsha Qarabaq deklaratsııasy qabyldandy.
Aıta keteıik, Shýshada «Kólik, kommýnıkatsııa jáne klımattyq ózgeristerdi baqylaý arqyly baıandy bolashaq qurý» taqyrybynda Túrki memleketteri uıymy beıresmı sammıti ótti.
Memleket basshysy óz sózinde, eń aldymen, sammıttiń «Kólik, kommýnıkatsııa jáne klımattyq ózgeristerdi baqylaý arqyly baıandy bolashaq qurý» degen taqyryby barlyq eldiń múddesine saı keletinin atap ótti.
Sondaı-aq atalǵan basqosý túrki elderiniń ıgiligin kózdeıtinine, damýdyń tyń baǵyttaryn aıqyndaıtynyna jáne baýyrlastyq baılanysty nyǵaıtyp, óńirdegi turaqtylyqty qamtamasyz etýge yqpal etetinine nazar aýdardy.
Qasym-Jomart Toqaevtyń aıtýynsha, Qazaqstan Túrki memleketteri uıymynyń qazirgi tóraǵasy retinde onyń qyzmeti barynsha tıimdi bolǵanyn qalaıdy.
Qasym-Jomart Toqaev Túrki memleketterin Kaspıı jáne Aral teńizindegi ekologııalyq máseleni birigip sheshýge shaqyrdy.
