Túrki memleketteri uıymynyń alǵashqy birlesken spýtnıgi 2027 jyly ushyrylady
ASTANA. KAZINFORM – Qazirgi ýaqytta spýtnıktiń ınjenerlik modeli tolyq jınaldy, joba bekitilgen kestege sáıkes iske asyrylýda, al ǵarysh apparatyn ushyrý 2027 jylǵa josparlanǵan.
Qazaqstan Respýblıkasy Premer-mınıstriniń orynbasary – Jasandy ıntellekt jáne tsıfrlyq damý mınıstri Jaslan Mádıev Túrki memleketteri uıymynyń Bas hatshysy Kýbanychbek Omýralıevpen kezdesý ótkizdi.
Kezdesý barysynda taraptar TMU-ǵa múshe memleketter arasyndaǵy tehnologılyq yntymaqtastyqty damytýdyń mańyzdy kezeńi bolyp tabylatyn Uıymnyń alǵashqy birlesken spýtnıktik jobasy – OTS-SAT-ty iske asyrý máselelerin talqylady.
Qazaqstan Respýblıkasy Premer-mınıstriniń orynbasary – Jasandy ıntellekt jáne tsıfrlyq damý mınıstri Jaslan Mádıev ǵarysh apparatyn ázirleýdi Astanadaǵy Ǵarysh apparattarynyń qurastyrý-synaý kesheni bazasynda qazaqstandyq ınjenerler men mamandar júrgizip jatqanyn atap ótti. Qazirgi ýaqytta spýtnıktiń ınjenerlik modeli tolyq jınaldy, joba bekitilgen kestege sáıkes iske asyrylýda, al ǵarysh apparatyn ushyrý 2027 jylǵa josparlanǵan.
Jobany iske asyrý jónindegi Negizdemelik kelisimdi daıyndaýǵa, sondaı-aq qarjylandyrý jáne spýtnıkti ushyrýdy uıymdastyrý máselelerine erekshe nazar aýdaryldy.
Kezdesý qorytyndysy boıynsha Jaslan Mádıev OTS-SAT jobasynyń sátti júzege asýy Túrki memleketteri uıymynyń alǵashqy praktıkalyq ǵarysh jobasy bolatynyna, túrki elderiniń tehnologııalyq seriktestigin nyǵaıtyp, birlesken ǵarysh bastamalaryn damytýǵa jańa múmkindikter ashatynyna senim bildirdi.
Aıta ketelik Qazaqstan ShYU elderi arasynda mádenıet salasyn tsıfrlyq baǵytta damytýdy usynǵan edi.
