Túrki memleketteri uıymyna múshe elderdiń sport mınıstrleri Tashkentte bas qosty
TAShKENT. KAZINFORM – Tashkentte Túrki memleketteri uıymyna (TMU) múshe elderdiń jastar saıasaty men sport salasyna jaýapty mınıstrleriniń 9-shy otyrysy ótti, dep habarlaıdy Kazinform agenttiginiń menshikti tilshisi.
Іs-sharaǵa qatysqan qazaqstandyq delegatsııany Týrızm jáne sport mınıstri Erbol Myrzabosynov bastap keldi. Otyrysta jastar saıasaty salasyndaǵy yntymaqtastyqty nyǵaıtý, ulttyq jáne birlesken baǵdarlamalardy iske asyrý múmkindikteri talqylandy.
Sondaı-aq vedomstvo basshylary túrki elderiniń jastary arasynda ortaq mádenı qundylyqtardy ilgeriletýge erekshe nazar aýdardy.
Otyrystyń qorytyndysy boıynsha TMU-ǵa múshe memleketterdiń jastar saıasaty jáne sport salasyndaǵy birlesken keleshek jospary qabyldandy.
Eske salaıyq, bıyl 18 qyrkúıekte Qyrǵyzstan astanasynda Túrki memleketteri uıymyna múshe memleketterdiń úkimet basshylary men vıtse-prezıdentiniń otyrysy ótti.
Sondaı-aq, 7 qazanda ótken Túrki memleketteri uıymyna múshe memleketter basshylary keńesiniń XII sammıtinde sóz sóılegen Ázerbaıjan prezıdenti Ilham Álıev uıymǵa múshe elderdi qaýipsizdikti odan ári nyǵaıtýǵa shaqyrdy.