Túrki memleketteri uıymyna múshe elderdiń basshylary Turkistan vızıt-ortalyǵynyń jumysymen tanysty
ASTANA. KAZINFORM – Qazaqstan Prezıdenti Qasym-Jomart Toqaev, Ázerbaıjan Prezıdenti Ilham Álıev, Qyrǵyzstan Prezıdenti Sadyr Japarov, Túrkııa Prezıdenti Rejep Taııp Erdoǵan jáne Ózbekstan Prezıdenti Shavkat Mırzıeev Qoja Ahmet ıAsaýı kesenesiniń rýhanı murasymen tanysty. Bul týraly Aqordanyń baspasóz qyzmeti habarlady.
Memleketter basshylary XIV–XV ǵasyrlarǵa tıesili sırek jádigerler kórmesin tamashalady. Ol Qoja Ahmet ıAsaýıdiń ómir joly men keseneniń tarıhynan syr shertedi. Sonyń ishinde XIV ǵasyrdan beri saqtalǵan qabirhananyń aǵash esigi bar. Esik súıekpen, qańyltyrmen jáne altyn jalatylǵan jazýlarmen bezendirilgen. Sondaı-aq kýfa men sýlýs úlgisindegi arab mátinimen órnektelgen.
Mártebeli meımandarǵa Ámir Temirdiń tapsyrysymen jasalǵan qola shyraǵdandar, XV ǵasyrǵa tán aspaly qola kándılder men aıdahar beınesinde naqyshtalǵan qos qulaqty shamdar kórsetildi.
Kórmeniń erekshe sáýlettik elementi — kesene kúmbeziniń ushar basynda ornalasqan kóne kýbba (mystan jasalǵan).
Zaldaǵy asa qundy jádigerdiń biri — XVIII–XIX ǵasyrlarǵa jatatyn Qoja Ahmet ıAsaýı qulpytasynyń qabirjapqyshy. Onyń bederli oıý-órnekteri dinı sımvolızmdi, geometrııalyq kompozıtsııany, kallıgrafııany ushtastyrady. Ortalyq Azııadaǵy ıslam mádenıetinde qabirjapqysh rýhanı qurmettiń belgisi sanalady.
Aıta ketelik Túrki memleketteri uıymyna múshe elderdiń basshylary Túrkistan deklaratsııasyna qol qoıǵan edi.
