Túrki memleketteri uıymy syrtqy saıası vedomstvo jetekshileri bas qosty
ShÝShA. KAZINFORM — Qazaqstan Respýblıkasy Premer-Mınıstriniń orynbasary — Syrtqy ister mınıstri Murat Nurtileý Túrki memleketteri uıymy (TMU) beıresmı sammıti qarsańynda ótken TMU Syrtqy ister mınıstrleri keńesiniń otyrysyna qatysty.
Іs-sharaǵa qatysýshylar uıymnyń qyzmetin jetildirý jáne halyqaralyq kún tártibindegi ózekti máseleler boıynsha pikir almasty.
Kólik, logıstıka, kommýnıkatsııa jáne klımattyq ózgeristerge qarsy kúres sııaqty salalardaǵy yntymaqtastyqty odan ári nyǵaıtýdyń mańyzy atalyp ótti.
QR syrtqy saıası vedomstvosynyń basshysy M.Nurtileý óz sózinde Qazaqstannyń «TURKTIME!» uranymen ótip jatqan 2023-2024 jyldardaǵy TMU-daǵy tóraǵalyǵy týraly aıtyp berdi.
Ol sondaı-aq bizdiń elimizdiń uıymdy odan ári damytý jáne onyń álemdik arenadaǵy bedelin nyǵaıtý jónindegi kózqarasyn belgiledi.
Otyrys qorytyndysy boıynsha Majarstandaǵy TMU Ókildik keńsesiniń atqarýshy dırektoryn taǵaıyndaý jóninde sheshim qabyldandy, sondaı-aq TMU memleket basshylary keńesiniń aldaǵy otyrysy barysynda qol qoıylatyn qujattar bekitildi.
Aıta keteıik, Túrki memleketteriniń uıymy Qazaqstannyń bastamasymen 2009 jyly Nahchyvan qalasynda (Ázerbaıjan) quryldy.
TMU hatshylyǵy Ystanbul qalasynda (Túrkııa) ornalasqan.
Qazirgi ýaqytta uıymǵa Ázerbaıjan, Qazaqstan, Qyrǵyzstan, Túrkııa jáne Ózbekstan kiredi.
Majarstan men Túrikmenstannyń baqylaýshy mártebesi bar.
