Túrki memleketteri ortaq múdde jolynda kúsh jumyldyrýǵa tıis — Prezıdent
ASTANA. KAZINFORM — Túrki memleketteri ortaq múdde jolynda kúsh jumyldyrýǵa tıis. Bul týraly Túrki memleketteri uıymynyń beıresmı sammıtinde Memleket basshysy Qasym-Jomart Toqaev aıtty.
— Biz halyqaralyq geosaıası ahýal asa kúrdeli jáne qubylmaly dáýirdi bastan keshirip jatyrmyz. Álemdik jáne aımaqtyq deńgeıdegi báseke kúsheıip barady. Qarýly qaqtyǵystar, soǵystar tolastar emes. Munyń bári álem ekonomıkasyna keri áser etip jatqanyn bárimiz kórip otyrmyz, — dedi Prezıdent.
Memleket basshysy Taıaý Shyǵystaǵy jaǵdaıdyń saldaryn kórshiles aımaq elderi de sezine bastaǵanyna nazar aýdartty.
— Osyndaı almaǵaıyp kezeńde túrki memleketteriniń aýyzbirshilikte bolýy óte mańyzdy. Sebebi, halyqtarymyzǵa ortaq san ǵasyrlyq shejiremiz bar. Qazirgi tańda túrki elderi zaman talabyn eskerip, ekonomıka jáne ınvestıtsııa salasyndaǵy yqpaldastyqty nyǵaıtýy kerek. Ortaq múdde jolynda kúsh jumyldyrýǵa tıis dep sanaımyn, — dedi Qasym-Jomart Toqaev.
Buǵan deıin Túrkistanda Túrki órkenıeti ortalyǵy qurylatynyn jazǵan edik.
