Túrki memleketteri qaı salalarda birlesken jumys júrgizedi
QR Syrtqy ister mınıstri Murat Nurtileý 2024 jyly Qazaqstannyń Túrki memleketteri uıymyna tóraǵalyǵynda qaı salalardaǵy yntymaqtastyqqa kóńil bólinetinin aıtyp berdi, dep habarlaıdy Kazinform agenttigi.
«Ózderińiz biletindeı, Búgin Qazaqstan Túrki memleketteri uıymynyń tóraǵalyǵyn qabyldaıdy. Bizdiń basymdyqtarymyz ózara túsinistikti nyǵaıtýǵa jáne baýyrlas halyqtar arasyndaǵy yntymaqtastyqty strategııalyq áriptestiktiń jańa deńgeıine shyǵarýǵa baǵyttalady. Onynda TMU sammıti dástúrlerdi, birigýdi, reformalardy, bilimdi, senimdi, ınvestıtsııalardy, deldaldyqty jáne energııany beıneleıtin «TURKTIME» uranymen ótedi. Biz sondaı-aq Qazaqstan tóraǵalyǵynyń 2023-2024 jyldarǵa arnalǵan tujyrymdamalyq qujatyn daıyndadyq», - dedi M. Nurtileý Túrki memleketteri Uıymynyń Syrtqy ister mıınstrleri keńesiniń otyrysynda.
Mınıstr aıtqandaı, Qazaqstan barlyq múshe memleketterdiń tarıhı baılanystardy nyǵaıtýǵa jáne óńirlik jáne kontınenttik ıntegratsııaǵa járdemdesýge belsendi qatysýyna senedi.
«Bizdiń elderimizdiń TMU sheńberindegi saıası jáne ekonomıkalyq yntymaqtastyǵynda jańa belesterge qol jetkizýge barlyq múmkindikteri bar. Qazirgi ýaqytta biz kólik pen logıstıkadan klımatqa, aqparattyq tehnologııalarǵa jáne týrızmge deıingi kóptegen salalarda perspektıvaly múmkindikterdi kórip otyrmyz. Men túrki yntymaqtastyǵynyń dástúrli rýhynda osy baǵyttardy zertteý boıynsha birlesken jumysymyzdy asyǵa kútemin», - dedi Murat Nurtileý.
Saıası baılanystardan bólek, saýda-ekonomıkalyq qatynastar árqashan TMU múshe memleketter arasyndaǵy yntymaqtastyqtyń berik negizi boldy jáne bolyp qala beredi. Ótken jyldyń qorytyndysy boıynsha Qazaqstan men TMU elderi arasyndaǵy taýar aınalymy 13 mıllıard dollarǵa (+38,4%) jetken.
«Bul qýatty dınamıka saqtalǵan jáne bıylǵy jyldyń alǵashqy segiz aıynda ózara taýar aınalymymyz 8 mıllıard dollardan asty. Bizdiń kózqarasymyz boıynsha, jańadan qurylǵan Túrki ınvestıtsııalyq qory tıimdi tetik retinde óńirishilik saýdany damytyp, ekonomıkalyq belsendilikti yntalandyrady. Ásirese órshil ınfraqurylymdyq jáne kóliktik jobalar aıasynda óńirishilik yntymaqtastyqty odan ári kúsheıtý úshin áli de paıdalanylmaǵan áleýet bar. Qytaı men Eýropa arasynda Ortalyq Azııa men Kavkaz arqyly jańa, tıimdirek jáne turaqty kólik marshrýttary qalyptasýda. Qazirgi ýaqytta Qazaqstan men onyń halyqaralyq seriktesteri Transkaspıı halyqaralyq kólik marshrýtyndaǵy kedergilerdi joıýǵa basymdyq beredi», - dedi Syrtqy ister mınıstri.
Oǵan qosa, Memleket basshysy Qasym-Jomart Toqaev 2025 jylǵa qaraı elimizde 100 myń joǵary dárejeli IT-mamandaryn daıarlaý jáne Ortalyq Azııany transkontınentaldy tsıfrlyq ortalyq retinde ornalastyrýdy tapsyrǵan edi.
«Bizdiń elimiz Qazaqstannyń TMU-ǵatóraǵalyǵy sheńberinde ozyq banktik ekojúıelerdi, elektrondyq kommertsııa platformalaryn jáne elektrondyq úkimet ınfraqurylymyn qurýdaǵy óz tájirıbesimen bólisýge daıyn. Osyǵan baılanysty "Astana Hub" halyqaralyq tehnoparki bizdiń elderimiz arasyndaǵy sarapshylar men bıznes-qoǵamdastyqtyń yntymaqtastyǵyna járdemdesýde sheshýshi ról atqara alar edi. Aqparattyq tehnologııalar salasy úshin tıisti TMU qujatyn qabyldaý bizdiń ózara múddelerimizge saı keletinine senimdimin», - dedi M. Nurtileý.
Sóz sońynda mınıstr TMU elderin klımattyń ózgerýine qarsy kúreste, mádenı-gýmanıtarlyq yntymaqtastyqta, ǵylym, sport, týrızm, bilim jáne mádenıet sııaqty salalarda óz áleýetin tolyq paıdalanýǵa shaqyrdy.
Buǵan deıin Murat Nurtileý Izraıl-Palestına qaqtyǵysyndaǵy Qazaqstan ustanymyn aıtqan edi.
Aıta keteıik, Astanada Túrki memleketteriniń syrtqy ister mınıstrleri bas qosty. Otyrys jabyq formatta ótýde.
Búgin elordada Túrki memleketteri uıymynyń (TMU) mereıtoılyq H sammıti ótedi. Bul jıynǵa Túrki memleketteri uıymyna múshe Ázerbaıjan, Qyrǵyzstan, Túrkııa, Ózbekstan prezıdentteri, sondaı-aq TMU-daǵy baqylaýshy memleketter – Majarstan men Túrikmenstan basshylary qatysady. Sammıt «Túrki dáýiri» uranymen ótetin joǵary deńgeıdegi pikirtalastar úshin mańyzdy alań bolady.
