Túrki memleketteri arasyndaǵy taýar aınalymy 22 mlrd dollardan asty

Túrki memleketteri uıymynyń Referenttik ortalyǵyn qurǵan jón. Bul týraly Aqordada ótip jatqan Túrki memleketteri uıymynyń H sammıtinde Memleket basshysy Qasym-Jomart Toqaev aıtty, dep habarlaıdy Kazinform.

«Ekinshi basymdyq – birizdendirý jumysy (Unification). Túrki memleketteriniń qatar damýy óte mańyzdy. Biz memleketterimizdiń standarttary jáne termınologııasyn júıelegen jón dep sanaımyz. Osyǵan baılanysty modeldik zań jobasyn qysqa merzim ishinde qarap, ony maquldaýǵa shaqyramyn. Bul bastama taýarlarymyzdy ortaq naryqqa erkin shyǵarýǵa jol ashady. Al biryńǵaı standarttar ishki jalpy ónimdi jyl saıyn shamamen 1 paıyzǵa arttyrýǵa múmkindik beredi», - dedi Qasym-Jomart Toqaev.

Prezıdenttiń dereginshe, qazirgi ýaqytta Túrki memleketteriniń ishki jalpy ónimi 1,4 trıllıon dollarǵa jýyqtady.

«Bıyl uıym músheleri arasyndaǵy taýar aınalymy 22 mıllıard dollardan asty. Ortaq talaptar bekitilse, bul kórsetkishti 1,5 ese ulǵaıtýǵa bolady. Budan bólek, Túrki memleketteri uıymynyń Referenttik ortalyǵyn qurǵan jón dep sanaımyn. Bul ortalyq ónimdi synaý nátıjelerin ózara tanýǵa, sondaı-aq hımııa jáne tamaq ónerkásibi salalarynda jańa zertteý júrgizýge múmkindik beredi», - dedi Memleket basshysy.