Túrki memleketteri arasyndaǵy dostyq qarym-qatynas óz bıigin saqtap keledi
TAShKENT. KAZINFORM – Túrki memleketteri arasyndaǵy dostyq qarym-qatynas óz bıigin saqtap keledi. Ózbekstanda bas qosqan týystas elderdiń halyqtyq dıplomatııa ókilderi osyndaı pikir bildirdi, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Tashkentte «Ortalyq Azııa - birtutas keńistik jáne kózqaras» forýmy ótti. Basqosýǵa aımaq elderi bastamashy bolyp, onyń barysynda túrli ult pen konfessııaaralyq baılanys máseleleri talqylandy.
Mamandardyń aıtýynsha, túrki memleketteriniń yntymaǵy myǵym. Ortalyq Azııa deńgeıindegi qarym-qatynas ta joǵary deńgeıde. Baılanysty osy bıikte saqtap qana qoımaı, ony odan ári nyǵaıta túsý mańyzdy. Sondyqtan taraptar halyqtyq dıplomatııa ókilderiniń jumysyn jetildirýge nıetti. Bul iske óner, mádenıet jáne sport salasynyń maıtalmandary atsalysyp keledi.
«Ár memlekettiń halyq dıplomattary bolǵany jón. Ol - óte qýatty kúsh. Muny utymdy paıdalansaq, álemde máńgilikke beıbitshilik ornaıdy. Tek túrki memleketteri emes, basqa da taraptar halyqtyq dıplomatııany tańdap, ortaq kózqarasqa uıyp, ilkimdi is atqara alady. Baýyrlas elder osyny tereń túısinip otyr. Endi biz rýhanı qundylyqtarymyzdy dáripteý jolyna tústik», - dedi Qyrǵyzstan men Reseıdiń Eńbek sińirgen mádenıet qaıratkeri Assol Moldokmatova.
