Túrik qonaqúıindegi órt: 15 adam qamaýǵa alyndy

ASTANA. KAZINFORM - Túrkııanyń Bolý provıntsııasyndaǵy Kartalkaıa taý shańǵysy kýrortynda órtenip ketken «Grand Kartal» qonaqúıiniń ıesi oqıǵaǵa qyzmetkerlerdi kinálady, dep habarlaıdy Kazinform tilshisi Hürriyet basylymyna silteme jasap. 

Түрік қонақүйіндегі өрт: 15 адам қамауға алынды
Фото: yenisafak.com

Atalmysh basylym atap ótkendeı, Halıt Ergúl qaıǵyly oqıǵaǵa aspazdy, kúzetshilerdi, konsaltıngtik kompanııa men elektrıkti kinálap otyr. 

— Qonaqúı órtke qarsy barlyq saqtyq sharasyn qabyldady. Tekserý barysynda olqylyqtar anyqtalmady, - dedi ol.

Sot tergeýi jalǵasýda. Órtke qatysy bar degen kúdikpen ázirge 15 adam qamaýǵa alyndy. 

Esterińizge sala keteıik, qaıǵyly oqıǵa qonaqúıdegi órt qaýipsizdiginiń óreskel buzylýyn áshkerelegen bolatyn. Qyzmetkerler órt qaýipsizdigi júıesi is júzinde joq ekenin aıtty.

Anyqtalǵandaı, dabyl júıesi jumys istemeıdi, órt sóndirgishter joq, órt sóndirý satysy adamdardy tıisti deńgeıde evakýatsııalaýdy qamtamasyz etpegen. Bul olqylyqtar qutqarý jumystarynyń keshigýine jáne qurbandar sanynyń kóbeıe túsýine sebep bolǵan. 

Eske sala keteıik, buǵan deıin Túrkııadaǵy qonaqúıde bolǵan órtten qaza tapqandar sany 79 adamǵa jetkenin jazǵan edik. 

Сейчас читают