14:02, 10 Qyrkúıek 2024 | GMT +6
Túrik kókparshylary shırek fınalda Qyrǵyzstanǵa ese jiberdi
ASTANA. KAZINFORM – Astanada ótip jatqan V Dúnıejúzilik kóshpendiler oıynynyń shırek fınalynda túrkııalyq kókparshylar Qyrǵyzstan komandasynan 15:1 esebimen utylyp qaldy.
Qyrǵyzstandyq kókparshylar keshe, irikteý kezeńinde Mońǵolııa qurama komandasyn 16:0 esebimen oısyrata utqan bolatyn.
Aıta keteıik, jarystar Qazaqstan Respýblıkasynyń Kókpar federatsııasynyń erejeleri boı̆ynsha ótkizilip jatyr.
Buǵan deıin QR kókpar qurama komandasynyń kapıtany Turǵanbek Qurmanbek Qazaqstan quramasynyń basty qarsylasy — qyrǵyzstandyq kókparshylar ekenin aıtqan bolatyn.
Búgin qazaqstandyq kókparshylar shırek fınalda AQSh komandasyn 12:4 esebimen utty.
Kókpar tóreshisi Іlimsha Áltaev bul dástúrli sport túri Qazaqstanda tanymal ekenin aıtady.
