Túrki ınvestıtsııalyq qorynyń kapıtaly 600 mln dollarǵa deıin ulǵaıady

TAShKENT. KAZINFORM – Túrki ınvestıtsııalyq qoryn basqarýshy elder jarǵylyq kapıtaldy 600 mln dollarǵa deıin ulǵaıtýǵa nıetti, dep habarlaıdy Kazinform agenttiginiń menshikti tilshisi.

Ózbekstannyń saýda-ónerkásip palatasynan málim etkendeı, qordyń kapıtalyn 20%-ǵa kóterý usynysy Bakýde ótken konferentsııa aıasynda talqylandy.

Qorǵa baǵyttalatyn qosymsha qarajat bıznesti damytý jáne Túrki elderi arasyndaǵy taýar aınalymyn arttyrý jobalaryn iske asyrýǵa jumsalady.

Eske salaıyq, Túrki ınvestıtsııalyq qory óz jumysyn byltyr mamyrda bastady. Sol ýaqytta onyń kapıtaly 500 mln dollar kóleminde belgilengen edi.

Túrki ınvestıtsııalyq qoryn qurý týraly kelisimge 2023 jyldyń 16 naýryzynda Ankarada ótken Túrki memleketteri uıymynyń kezekten tys sammıti aıasynda qol qoıylǵan bolatyn. Quryltaıshy elder qatarynda Qazaqstan, Ázerbaıjan, Qyrǵyzstan, Ózbekstan jáne Túrkııa bar.