Túrki ınvestıtsııa qory óz jumysyn resmı bastady

YSTANBUL. KAZINFORM — Ystanbulda Túrki ınvestıtsııalyq qoryna múshe basqarýshy elder keńesiniń (TIQ) alǵashqy ulyqtaý otyrysy ótti. Premer-Mınıstrdiń orynbasary — ulttyq ekonomıka mınıstri Nurlan Baıbazarov Qazaqstan tarapynan qordyń basqarýshylar keńesiniń ókili boldy.

Túrki ınvestıtsııalyq qory — túrki álemi ekonomıkalyq ıntegratsııasynyń alǵashqy birlesken qarjy ınstıtýty.

Qordyń bastapqy kapıtaly — $500 mln. 

Ony qurýdyń basty maqsaty — Túrki elderi arasyndaǵy ekonomıkalyq jáne kommertsııalyq qatynastardyń damýyn qamtamasyz etý.

Túrkııa Qarjy mınıstrliginiń baǵalaýy boıynsha 2024 jyldyń sońyna qaraı túrki memleketteri álemdik ekonomıkada mańyzdy oryn alady.

ıAǵnı, ekonomıka kólemi $1,9 trln-ǵa jáne halyq sany 178 mln adamǵa jetedi dep kútilýde.

Nurlan Baıbazarov Qazaqstan úshin túrki ıntegratsııasyn damytýdyń aıryqsha mańyzdy ekenin atap ótti. 

«Qazaqstan Respýblıkasynyń Úkimeti Qor qyzmetiniń bastalýyn tolyǵymen qoldaıdy. Atalǵan Qor qatysýshy elderdiń ekonomıkalyq ósýi men damýynyń katalızatory bolatynyna jáne ınvestıtsııalyq yntymaqtastyqty tereńdetýge ári birlesken jobalardy iske asyrýda tıimdi ózara árekettestikke yqpal etetinine senimdimin», — dedi ol.

Qor qyzmeti barysynda ınfraqurylymdy, jańartylatyn energııa kózderin, aýyl sharýashylyǵyn, týrızmdi, IT jáne basqa da. baǵyttardy qamtıtyn túrli sektorlardaǵy birlesken jobalardy qoldaýǵa basty nazar aýdarylady.

Mundaı jobalardy iske asyrý jańa jumys oryndaryn qurý men ekonomıkany ártaraptandyrýǵa baǵyttalady.

Qazaqstanǵa túrki áleminiń belsendi qatysýshysy bolýǵa, jobalar úshin qarjylandyrý, granttar men tehnıkalyq kómek alýǵa, sondaı-aq Túrki memleketteri uıymynyń óńiri aıasynda jáne odan tys jerlerde saýda-ekonomıkalyq yntymaqtastyqty nyǵaıtýǵa múmkindik beredi.

Eske sala keteıik, Túrki ınvestıtsııalyq qoryn qurý týraly kelisimge 2023 jyldyń 16 naýryzynda Ankarada ótken Túrki memleketteri uıymynyń kezekten tys sammıti aıasynda qol qoıylǵan bolatyn.

Quryltaıshy elder qatarynda Ázerbaıjan, Qazaqstan, Qyrǵyzstan, Ózbekstan jáne Túrkııa bar.