Túrki halyqtarynyń mádenıetine qatysty platforma qurý jónindegi jumys jandandanady
ASTANA. KAZINFORM — Búgin Túrki memleketteri uıymynyń beıresmı sammıtinde Prezıdent Qasym-Jomart Toqaev túrki halyqtarynyń tarıhyna qatysty materıaldardy jınaqtaý boıynsha usynys aıtty.
— Jasandy ıntellekt negizinde túrki halyqtarynyń tarıhy men mádenıetine qatysty materıaldardy jınaqtaıtyn arnaıy tsıfrlyq platforma qurý jónindegi jumysty jandandyrý qajet. Bul joba kóptildi formatta jasalýy tıis. Sonda, kez kelgen adam onlaın rejımde túrki órkenıetiniń mol murasymen tanysyp, ony zerdeleı alady. Qazaqstan bul bastamalar boıynsha jan-jaqty tsıfrlyq sheshimder usynýǵa daıyn, — dedi Qasym-Jomart Toqaev.
Budan buryn habarlanǵandaı, Búgin Túrkistan qalasynda Prezıdent Qasym-Jomart Toqaevtyń qatysýymen Túrki memleketteri uıymynyń beıresmı sammıti bastaldy. Sammıtke TMU-ǵa múshe memleketterdiń basshylary — Túrkııa prezıdenti Rejep Taııp Erdoǵan, Ózbekstan prezıdenti Shavkat Mırzıeev pen Qyrǵyzstan prezıdenti Sadyr Japarov, Ázerbaıjan prezıdenti Ilham Álıev keldi.
Jasandy ıntellekt jáne tsıfrlyq damý» taqyrybyna arnalǵan jıyn Qazaqstannyń tóraǵalyǵymen uıymdastyrylyp otyr.
Aıta keteıik, Memleket basshysy Túrki órkenıeti ortalyǵyn qurý týraly sheshim qabyldady.
