Túrki elderiniń ortaq tarıhy jaıly akademııalyq eńbek jazylady

ANKARA. KAZINFORM – Ankarada Túrki memleketteri uıymyna (TMU) múshe elderdiń tarıh jáne arheologııa ınstıtýttary basshylarynyń otyrysy ótti, dep habarlaıdy Kazinform agenttiginiń tilshisi.

Qatysýshylar túrki elderiniń ortaq tarıhy týraly birlesken akademııalyq eńbekti jaryqqa shyǵarý máselesin talqylady. Bul bastama byltyr 6 qarashada Qyrǵyzstanda ótken TMU XI sammıtinde kóterilgen bolatyn. Sol ýaqytta jobany iske asyrý Túrki akademııasyna júkteldi.

Otyrysta sóz alǵan akademııa basshysy Shaın Mýstafaev ortaq eńbekti sapaly ázirleý kerektigin aıtty.

— Bir eldiń tarıhyn jazyp shyǵýdyń ózi ońaı sharýa emes. Bizdiń mindetimiz — baýyrlas halyqtar men memleketterdiń ortaq tarıhyn jazý, — dedi Shaın Mýstafaev.

Ol atap ótkendeı, ázirlenetin eńbek barshaǵa túsinikti stılde jazylýy tıis. Óıtkeni, ony aldaǵy ýaqytta stýdentter men jas zertteýshiler ózderiniń ǵylymı jumystaryna arqaý etedi.

Otyrys qorytyndysy boıynsha qatysýshylar Túrki elderiniń tarıhy týraly birlesken akademııalyq eńbek jazý jóninde hattamaǵa qol qoıdy.

Eske salaıyq, byltyr TMU-ǵa múshe elder logıstıkalyq jobalardy birlese damytatyn alıans qurdy.

Buǵan deıin habarlaǵanymyzdaı, Túrki memleketteriniń ózara saýda kólemi 45 mlrd dollardan asty.