Túrki áleminiń ortaq álipbıi komıssııasy 34 áripten turatyn úlgi usyndy
BAKÝ. KAZINFORM – 9-11 qyrkúıek kúnderi Ázerbaıjan astanasynda Túrki álemi ortaq álipbıi komıssııasynyń úshinshi otyrysy ótti. Bul týraly Halyqaralyq Túrki akademııasy habarlady.
Jıynnyń negizgi maqsaty – eki jyldyq birlesken jumys nátıjesinde jınaqtalǵan bilim men tájirıbeni paıdalanyp, túrki tilderine ortaq álipbı úlgisin ázirleý bolǵan.
«Ǵalymdar 1991 jyly usynylǵan latyn qaripi negizindegi «Ortaq túrki álipbıi» jobasyn jan-jaqty qarastyrdy. Komıssııa músheleri atalǵan jobany jetildire túsýdi kózdeıtin usynystardy talqylap, qajetti qorytyndylar jasady. Osy qajyrly jumystyń nátıjesinde 34 áripten turatyn ortaq túrki álipbı úlgisi týraly usynys boıynsha kelisimge qol jetkizildi», - dep jazylǵan akademııa habarlamasynda.
Ár árip túrki tilderinde kezdesetin ártúrli fonetıkalyq dybysty bildiredi.
«Bul basqosýdyń osylaısha tabysty aıaqtalýyn tarıhı sát retinde baǵalaýǵa bolady. Ortaq túrki álipbıi baǵytyndaǵy jumystardyń ilgerleýi túrki halyqtarynyń tildik muralaryn saqtap, ózara túsinistik pen yntymaqtastyqty nyǵaıta túsýge yqpal etedi. Barlyq tıisti mekeme usynylyp otyrǵan ortaq túrki álipbıi úlgisin júzege asyrýǵa belsendi qoldaý kórsetýge shaqyrylady», - deıdi Halyqaralyq Túrki akademııasy.
