Týrızmdi damytýǵa 1 trln teńge ınvestıtsııa tartylady

NUR-SULTAN. QazAqparat – Týrızmdi damytý baǵytynda 30 zákirli joba qolǵa alynbaq. Bul týraly Mádenıet jáne sport mınıstri Aqtoty Raıymqulova halyqqa esep berý jıynynda aıtty, dep habarlaıdy QazAqparat tilshisi.

«Týrızm salasynda josparlanǵan 30 zákirli ınvestıtsııalyq jobany iske asyrý josparlanyp otyr. Onyń ishinde Aqtaý kýrort aımaǵyn damytý barysynda Aqtaý qalasynda kópfýnktsıonaldy týrıstik keshenniń qurylysyn jalǵastyrý (taqyryptyq park, golf klýb, saýda ortalyǵy, qonaq úıler), Mańǵystaý oblysyndaǵy «Nur» kópfýnktsıonaldy emdeý-saýyqtyrý kesheni, Almaty qalasyndaǵy «Holiday Inn Express» qonaq úıi, TOP-10 týrıstik destınatsııasy sııaqty birneshe ınvestıtsııalyq joba bar», - deıdi mınıstr.

Mádenıet jáne sport mınıstri atalǵan josparlarǵa 1 trln teńgeden astam ınvestıtsııa qajet ekenin atady.

«Jalpy, jergilikti atqarýshy organdarmen birlesip, 1 trln teńgeden astam jeke jáne memlekettik ınvestıtsııalar tartyp, nátıjesinde 22 myń jańa jumys ornyn qurý josparlanyp otyr», - dedi Aqtoty Raıymqulova ortalyq kommýnıkatsııalar qyzmetinde ótken onlaın kezdesýde.