Týrızmdi damytý: «Kókshetaý-Shymkent» əýe reısi qaıta jandandyrýdy qajet etedi
KÓKShETAÝ. QazAqparat - Aqmola oblysynyń bıligi óńirde týrızmdi damytý maqsatynda Kókshetaý-Shymkent əýe baǵytyn qaıta jandandyrý máselesin kóterip otyr, dep habarlaıdy QazAqparat tilshisi.
Aqmola oblysy əkimi baspasóz qyzmetiniń deregi boıynsha, bıylǵy jyly "Kókshetaý-Shymkent" baǵytyndaǵy əýe reısin respýblıkalyq bıýdjet esebinen qarjylandyrý qarastyrylmaǵan kórinedi.
Turǵyndardyń suranysyna qaramastan "Kókshetaý-Shymkent" əýe reısi 2017 jyldyń 31 qańtarynan bastap toqtatyldy. Ótken jyly osy baǵytta 2500 jolaýshy tasymaldanǵan.
Kókshetaý halyqaralyq áýejaıynyń dırektory Dastan Məlıevtiń sózinshe, aptasyna eki retten jarty jyl boıy qyzmet kórsetken Shymkent baǵytyndaǵy reıstiń qaıta ashylǵany mańyzdy.
Oǵan qosa, D.Məlıev Aqmola oblysynyń bıligi óńirde týrızmdi damytý maqsatynda "Kókshetaý - Atyraý - Kókshetaý" jəne "Kókshetaý - Aktóbe - Kókshetaý" baǵytyndaǵy turaqty əýe reısterin qaıta jandandyrý úshin Úkimetten sýbsıdııa bólý məselesin sheshýdi surap otyrǵanyn aıtýda.
"Sonymen qatar biz Aqmola oblysynda týrıstik klasterdi jəne azamattyq avıatsııany damytý úshin Kókshetaý qalasyn Oral, Óskemen, Qyzylorda, Qaraǵandy, Qostanaı, Taraz jəne Pavlodar syndy oblys ortalyqtarymen baılanystyratyn sýbsıdııalanǵan turaqty əýe reısterin 5 jyl merzimge uıymdastyrý, keıinnen olardy kommertsııalyq əýe reısterine aýystyrý məselesin qaraýdy surap jatyrmyz", - dedi D. Məlıev.
Atap óteıik, 2017 jyly Aqmola oblysynda jolaýshylar tasymalynyń kólemi aldyńǵy jylmen salystyrǵanda 1,6 esege ulǵaıǵan. Buǵan aldymen óńirde týrıstik klasterdiń damýy sebep bolyp otyr.
2017 jyly Kókshetaý əýejaıynan Almaty, Aqtaý, Shymkent baǵytynda sýbsıdııalanǵan turaqty 3 reıs pen «Máskeý - Kókshetaý - Məskeý» baǵytyndaǵy birinshi halyqaralyq kommertsııalyq avıareıs jasaldy. Bul rette, 2018 jyly «Kókshetaý - Almaty» jəne «Kókshetaý - Aqtaý» baǵytyndaǵy eki əýe reısi ǵana respýblıkalyq bıýdjet esebinen sýbsıdııalaýǵa qoldaý tapty.
"Al Máskeý baǵytyndaǵy kommertsııalyq əýe reısi bolsa, kóktem-jaz maýsymy kezeńinde kelisim boıynsha jumys isteıtin bolady", - dedi D. Məlıev.
