Týrızmdegi baǵa básekelestigi: Qazaqstan jahandyq reıtıngide 1-oryn aldy

NUR-SULTAN. QazAqparat - Dúnıejúzilik ekonomıkalyq forým qalyptastyratyn týrızmniń jahandyq reıtınginde Qazaqstan «Baǵa boıynsha básekege qabilettilik» kórsetkishi boıynsha 1-oryn aldy. Bul týraly QR Mádenıet jáne sport mınıstrliginiń saıtynda málim etildi, dep habarlaıdy QazAqparat.

«Dúnıejúzilik ekonomıkalyq forýmnyń málimeti boıynsha týrızmniń jahandyq reıtınginde Qazaqstan 2021 jyly óz pozıtsııasyn jaqsartyp, 117 eldiń arasynda 66-oryndy ıelendi (2019 jyly 140 eldiń ishinde 80-oryn).

Elimiz «Baǵa boıynsha básekege qabilettilik» ( 1-oryn), «Týrızmniń maýsymdylyǵy» (26-oryn), «Tabıǵı resýrstar» (33-oryn), «ıÝNESKO-nyń Dúnıejúzilik mádenı mura obektileriniń sany» (42-oryn) kórsetkishteri boıynsha joǵary baǵa aldy», - delingen vedomstvo habarlamasynda.

Usynylǵan aqparatqa sáıkes, 2021 jyly Qazaqstanda ishki týrıster sany rekordtyq deńgeıge jetti – tirkelgen adamdar sany shamamen 7 mln.

Alǵashqy jarty jylda Şýchınsk-Býrabaı kýrort aımaǵyna 550 myń adam barǵan. Bul ótken jyldyń sáıkes kezeńimen salystyrǵanda 2 ese kóp.

Jazǵy maýsymda «Shymbulaqqa» 240 myńǵa jýyq adam saıahattap, byltyrǵy maýsymǵa qaraǵanda 90 myńǵa kóp adam barǵan. Mınıstrlik naqty kórsetkishterdi maýsym aıaqtalǵannan keıin jarııalaýǵa ýáde etip otyr.

Al ulttyq parkterge bıyl 2 mıllıonǵa jýyq adam barady degen boljam bar.

Osylaısha, 2022 jyldyń birinshi toqsanynda:

- ornalasý nysandaryna jaıǵasqan ishki týrıster sany 21,5% artyp, 1,13 mln adamdy qurady;

- ornalasý nysandary 26,3 mlrd teńge kóleminde qyzmet kórsetti, bul 2021 jylǵy birinshi toqsanmen salystyrǵanda 25,7% kóp;

- apta saıyn Qazaqstanǵa keminde 11 myń sheteldik týrıst keledi.