Týrızm Zyrıanovsk aýdanynyń negizgi ekonomıkalyq salasyna aınalyp keledi
ÓSKEMEN. QazAqparat - Biryńǵaı elektrondy aqparattyq bazasyn qurý úshin Zyrıanovsk aýdanynyń demalys aımaqtaryndaǵy qonaq úıler esepke alyndy.
Zyrıanovsk aýdanynyń ákimdigi týrızmniń damýyna erekshe mán berip otyr. Qazaqstanǵa Qytaı turǵyndarynyń otyz kún vızasyz kelýine ruqsat etilgenin eskerer bolsaq, týrızm salasy qyrýar qarjy túsiredi, dep habarlady aımaqtyń aqparattyq ortalyǵy.
«Kóptegen qytaılyq týrıster bizge kelgisi keledi, - dedi Zerendi aýdany týrızm bóliminiń jetekshisi Vıacheslav Knıazev. - Ásirese, olar qysqy demalysqa erekshe qyzyǵýshylyq tanytady. Bizdiń mindetimiz týrısterdiń jaǵdaıyn jasaý. Jyl saıyn bizdiń týrıstik bazalarymyzǵa kelýshilerdiń sany artýda. Bıyl Buqtyrma sý qoımasynyń demalys aımaǵyna apta saıyn 30-35 myń adam keledi. Qazir eski qonaq úılerge jóndeý jumystary júrgizilip jatyr», dedi V.Knıazev.
Jaǵalaýdaǵy eski úılerdi jóndeýmen qatar, jańa baspanalar da salynyp jatyr. Olardyń bireýi kelesi maýsymda ashylady. Kórikti peızaj «Shale Labe» bazasynyń negizi artyqshylyǵy bolady.
«Munda eki qonaq úı turǵyzylady jáne otbasymen demalýǵa arnalǵan 20 jeke úı, basseın jáne restoran salynady», - deıdi qurylysshy ıÝrıı Tkachenko.
Taǵy bir jańa demalys bazasy 2013 jyly salynǵan edi.
Memlekettik-jeke áriptestik aıasynda ınfraqurylymdy damytý úshin sý qoımasy jaǵalaýyna birqatar jumystar jasalýda. 2013 jyly Jańa Buqtyrma aýyly men «Kók buǵaz» demalys bazasynyń jolyna kúrdeli jóndeý jasaldy. Ótken jyly da demalys bazalaryna deıingi jol tósemderi jańartyldy.
