Týrızm jáne sport mınıstrligi Úkimetten aldaǵy Azııa oıyndaryna qosymsha 13 mıllıard teńge bólýdi surady
A. Qańtardyń 19-y. QazAqparat /Rýslan Ǵabbasov/ -Búgin Astanada ótken alqa májilisinde Týrızm jáne sport mınıstri Temirhan Dosmuhambetov Úkimet basshysy Kárim Másimovten aldaǵy qysqy Azıadaǵa qosymsha 13 mıllıard teńge bólýdi qoldaýdy surady,
dep habarlaıdy QazAqparat.
«Sizden, bıylǵy jylǵy bıýdjetti naqtylaý kezinde 13 mıllıard teńge kóleminde qosymsha qarjy bólýge mınıstrlikke qoldaý jasaýyńyzdy suraımyn»,-dedi mınıstr Úkimet basshysyna qaratyp aıtqan sózinde.
T. Dosmuhambetovtyń sózine qaraǵanda, Azııa oıyndaryn ótkizýge qajetti jalpy qarjy resýrstary 28 mıllıard teńgeni quraıdy. Búginde onyń 15 mıllıard teńgesin bólýge qoldaý jasalǵan.
Onyń aıtýynsha, 7-shi qysqy Azııa oıyndaryn tıisti deńgeıde ótkizý úshin qaýipsizdikti qamtamasyz etý, medıtsınalyq qyzmet kórsetý men antıdopıngtik qadaǵalaý, tamaqtandyrý, kóliktik qyzmet kórsetý, Azııa Olımpıadalyq keńesiniń Assambleıasyn ótkizýdi, sondaı-aq basqa da sharalardy qarjylandyrý qajet.
