Týrızm jáne sport mınıstrligi 2026 jylǵa arnalǵan is-sharalar kúntizbesin daıyndady
ASTANA. KAZINFORM – Týrızm jáne sport mınıstrligi 2026 jylǵa arnalǵan mádenı-týrıstik oqıǵalar kúntizbesin daıyndady. Qujatta elimizdiń 20 óńirinde ótetin 55 iri is-shara qamtylǵan.
Kúntizbe ishki týrızmdi damytýǵa, týrıstik baǵyttardy keńeıtýge jáne óńirlik brendterdi qalyptastyrýǵa arnalǵan. Іs-sharalar mádenı, etnomádenı, sporttyq, gastronomııalyq jáne ekologııalyq salalardy qamtıdy. Bul týrısterge jeke qyzyǵýshylyqtary men maýsymdyq erekshelikterin eskere otyryp, saparlaryn aldyn ala josparlaýǵa múmkindik beredi.
Josparlanǵan is-sharalardyń kópshiligi jyl saıyn dástúrli túrde ótkiziledi. Mundaı sharalar óńirlerge degen qyzyǵýshylyqty arttyryp, oqıǵalar kún tártibiniń turaqtylyǵyn qamtamasyz etedi. Sonymen qatar jobalardyń basym bóligi bıznes ókilderiniń qatysýymen nemese demeýshiligimen uıymdastyrylady. Bul oqıǵaly týrızmdi bıýdjetke qosymsha júkteme túsirmeı damytýǵa baǵyttalǵan.
Týrısterge yńǵaıly bolý úshin www.event.qaztourism.kz veb-resýrsy ázirlenip, onda is-sharalardy kúni, óńiri, sanaty jáne aýqymy boıynsha jyldam ári yńǵaıly izdeýge múmkindik bar.
2026 jylǵa arnalǵan kúntizbe – Memleket basshysynyń 2025 jylǵy 14 naýryzda Býrabaıda ótken Ulttyq quryltaı otyrysynda bergen tapsyrmalaryn oryndaý aıasyndaǵy sharalardyń biri. Bul bastama oqıǵaly týrızmdi júıeli damytýǵa, óńirlerdiń týrıstik ereksheligin arttyrýǵa, qolaıly tsıfrlyq sheshimderdi engizýge jáne Qazaqstan boıynsha saıahattardyń tartymdylyǵyn joǵarylatýǵa baǵyttalǵan.
Buǵan deıin Italııada ótetin qysqy Olımpıada oıyndaryna Qazaqstannan neshe sportshy qatysatynyn jazǵanbyz.