Týrızm jáne sport mınıstri Mılandaǵy Olımpıadada Qazaqstan quramasyn qoldady
ASTANA. KAZINFORM – Týrızm jáne sport mınıstri Erbol Myrzabosynov Mılandaǵy Olımpıada qalashyǵyn baryp, Qazaqstan quramasynyń sportshylarymen kezdesti. Bul týraly Týrızm jáne sport mınıstrliginiń baspasóz qyzmeti habarlady.
Olımpıada qalashyǵynda short-trek, konkımen júgirý jáne mánerlep syrǵanaýdan Qazaqstan ulttyq quramasynyń sportshylary ornalasqan. Mınıstr sapar barysynda sportshylar men jattyqtyrýshylardyń jaǵdaıy, tamaqtaný jáne kún tártibi jaıly aqparat alyp, jarys aldyndaǵy kóńil-kúıi men sezimderin surady.
Erbol Myrzabosynov sportshylarǵa sáttilik tilep, óz kúshine senip, joǵary nátıje kórsetýge tilektestik bildirdi. Ol búkil el olardyń ónerin jiti baqylap, komandaǵa jankúıer bolyp otyrǵanyn jetkizdi. Sonymen qatar mınıstr 4 jylda bir ótetin basty jarysqa barynsha den qoıyp, komandalyq rýhty saqtap, bar kúsh-jigerdi salýdyń mańyzyn erekshe atap ótti.
Buǵan deıin Qysqy Olımpıadaǵa qatysyp jatqan qazaqstandyq sportshylardyń 9 aqpandaǵy jarys kestesin nazarlaryńyzǵa usynǵanbyz.