Týrızm jáne sport mınıstri ant qabyldady
ASTANA. KAZINFORM – Elimizdiń týrızm jáne sport mınıstri bolyp taǵaıyndalǵan Erbol Myrzabosynov Úkimet otyrysynda ant qabyldady.
«Qazaqstan halqy men Prezıdenti aldynda óz Otanym – Qazaqstannyń ekonomıkalyq jáne rýhanı damý isine barlyq kúsh-jigerim men bilimimdi jumsaýǵa, memlekettiń Konstıtýtsııasy men zańdaryn qatań saqtaýǵa, ózimniń barlyq is áreketimde zańdylyq pen ádilettilik, azamattyq, ultaralyq jáne konfessııaaralyq tatýlyq prıntsıpterin ustanýǵa, Qazaqstan halqyna adal qyzmet etýge, óz elimniń memlekettiligi men dúnıejúzilik qoǵamdastyqtaǵy bedelin nyǵaıta berýge saltanatty túrde ant etemin», - dedi Erbol Myrzabosynov Úkimet úıinde.
Aıta ketsek, keshe Memleket basshysynyń Jarlyǵymen Erbol Qýantaıuly Myrzabosynov Qazaqstan Respýblıkasynyń Týrızm jáne sport mınıstri laýazymyna taǵaıyndaldy.
Sondaı-aq jańa mınıstrdiń qyzmet jolyna sholý jasaǵan edik.
