Týrızm salasynda qarjylyq kemshilikter anyqtaldy
NUR-SULTAN. QazAqparat - QR esep komıteti Qazaqstannyń týrızm salasynda 1,4 mlrd teńgeden astam somada qarjylyq buzýshylyq oryn alǵanyn anyqtady, dep habarlaıdy QazAqparat tilshisi.
«Ulttyq týrıstik ónimdi qalyptastyrý jáne ony halyqaralyq jáne ishki naryqta damytý maqsatyna respýblıkalyq bıýdjetten bólingen qarjy tıimdi paıdalanylmaǵan. Memlekettik satyp alý salasynda da bıýdjettik zańnamalardyń saqtalmaýyna jol berilgen. Atap aıtqanda, respýblıkalyq bıýdjet qarajatyn tolyq ıgere otyryp, Týrızm ındýstrııasy komıteti ishki jáne syrtqy týrızmge (rezıdentter men rezıdent emesterge) turǵylyqty jerdegi qyzmet kórsetiletin kirýshilerdiń kóbeıýi jáne elden tys halyqaralyq týrıstik kórmelerdi ótkizý turǵysynan bıýdjettik baǵdarlamalardyń tikeleı jáne túpkilikti nátıjeleriniń kórsetkishterine qol jetkize almaǵan», - dedi Esep komıtetiniń múshesi Talǵat Jaqan bıýdjettik qarajattardy jáne týrıstik qyzmetti damytýǵa baǵyttalǵan memlekettik aktıvterdi tıimdi paıdalanýdyń memlekettik aýdıtin qorytyndylaıtyn kezdesýde.
«Sonymen birge, memlekettik aýdıttiń qorytyndysy boıynsha jalpy somasy 1,460,1 mlrd teńge bolatyn qarjylyq buzýshylyqtar anyqtaldy, onyń ishinde 1 409,2 mlrd teńge nemese 96,5% esepke alý tártibine baılanysty. Budan basqa 678,4 mln teńge bıýdjet qarajatyn tıimsiz josparlaý faktileri anyqtaldy, tıimsiz paıdalaný - 1 564,1 mln teńge jáne 43 protsedýralyq buzýshylyq tabylǵan», - dedi T.Jaqan.
Avtor: Kamıla Ámirova
