Týrızm salasyn damytýshylarǵa jyl saıyn beriletin 10 úkimet syılyǵy taǵaıyndaldy
ASTANA. QazAqparat - Reseı úkimeti týrızm salasynda jyl saıyn beriletin 10 syılyqty belgiledi.
Quqyqtyq aqparat portalynda jarııalanǵan mınıstrler kabınetiniń qaýlysyna sáıkes, bul týrızm salasyn jandandyrý maqsatynda qolǵa alynyp otyr. Onyń syıaqy mólsheriniń árqaısysy 1 mln. rýbldi quramaq, dep jazady Interfaks. Bıylǵy baıqaý jeltoqsan aıynda jarııalanbaq. Oǵan qatysýshylardyń avtorlyq ujymy 5 adamnan aspaýy tıis jáne olar týrızm salasynda tek ákimshilik nemese uıymdastyrýshylyq qyzmettermen ǵana shektelip qalǵan tulǵalar bolmaýy kerek. Bul syılyq ishki týrızmdi, sondaı-aq áleýmettik týrızmdi damytý boıynsha úzdik jobasy úshin, týrıstik ındýstrııa nysandaryn damytqany úshin, týrızm salasyndaǵy úzdik ınnovatsııalyq jobasy úshin, qonaqúı ındýstrııasyn damytqany úshin, týrızm salasyndaǵy kásibı bilim boıynsha eń úzdik jobasy úshin, sonymen qatar týrızm salasyndaǵy úzdik ǵylymı zertteý úshin jáne RF týrıstik ónimderin ótkizý (jolasharlardy, ınternet-saıttardy t.s.s.) boıynsha úzdik jobasy úshin syndy atalymdar boıynsha berilmek.
