Týrızm salasyna salynǵan ınvestıtsııa kólemi 33% artty

ASTANA. KAZINFORM - 2025 jyldyń qorytyndysy boıynsha týrızm salasyndaǵy negizgi kapıtalǵa salynǵan ınvestıtsııa kólemi 1,25 trln teńgege jetip, aldyńǵy jylmen salystyrǵanda 33%-ǵa artty.

QR Týrızm jáne sport mınıstrliginiń Týrızm ındýstrııasy komıteti baspasóz qyzmetiniń habarlaýynsha, ósim týrıstik ınfraqurylymdy keńeıtý, kólik qatynasynyń qoljetimdiligin arttyrý, sondaı-aq ornalastyrý, mádenıet jáne demalys baǵyttaryndaǵy jańa jobalardy iske asyrý esebinen qamtamasyz etildi.

Investıtsııa kóleminiń ulǵaıýyna jolaýshylar tasymaly, ornalastyrý jáne qoǵamdyq tamaqtaný qyzmetteri, sondaı-aq óner, oıyn-saýyq jáne demalys salalary eleýli úles qosty.

Óńirler arasynda týrızm salasyndaǵy negizgi kapıtalǵa salynǵan ınvestıtsııanyń eń joǵary ósimi Aqtóbe oblysynda tirkeldi. Bul óńirde kórsetkish 526%-ǵa ulǵaıyp, 60,8 mlrd teńgeden asty. Sonymen qatar Abaı, Atyraý jáne Ulytaý oblystarynda da aıtarlyqtaı oń serpin baıqaldy.

Respýblıkalyq mańyzy bar qalalar arasynda ınvestıtsııa ósiminiń joǵary kórsetkishi Almaty (79%) jáne Astana (61%) qalalaryna tıesili.

- Jalpy alǵanda, bul derekter bıznestiń týrızm ınfraqurylymyn damytýǵa degen qyzyǵýshylyǵynyń saqtalyp otyrǵanyn jáne salanyń áleýeti nyǵaıyp kele jatqanyn kórsetedi. Negizgi baǵyttar boıynsha ınvestıtsııa kóleminiń artýy Qazaqstanda týrızmdi odan ári turaqty damytýǵa berik negiz qalaıdy, - delingen habarlamada.

Aıta keteik, osyǵan deıin týrızm problemalaryn sheshýge jaýapty Jedel úılestirý keńesi qurylatyny týraly jazdyq.