Týrızm mınıstri jubaıynyń qonaq úı bıznesi týraly: Eshqandaı múddeler qaqtyǵysy joq
ASTANA. KAZINFORM – QR Týrızm jáne sport mınıstri Ermek Marjyqpaev jubaıynyń Býrabaıdaǵy qonaq úı bıznesi týraly tilshiler suraǵyna jaýap berdi.
«Iá, ózderińiz jaqsy bilesizder, bizdiń otbasymyz bıznespen aınalysady. Biraq onyń Týrızm jáne sport mınıstrligine esh qatysy joq. Biz memlekettik qyzmetke deıin, ıaǵnı 2008 jylǵa deıin bıznespen aınalystyq. Aldaǵy jyly bul kásiporynǵa 30 jyl bolady. Men memlekettik qyzmetke kelmeı turyp-aq, bul kásiporynnyń óz joly boldy», - dedi Ermek Marjyqpaev Úkimette ótken brıfıngte.
Mınıstr munda eshqandaı múddeler qaqtyǵysy joq ekenin atap ótti.
«Mınıstr men aımaqtaǵy shaǵyn qonaqúıler arasynda qandaı múddeler qaqtyǵysy bolýy múmkin ? Muny qalaı elestetýge bolady ? Bul suraq maǵan únemi qoıylady, biraq men Týrızm mınıstrligi men sol nysandardy baılanystyrýdyń mehanızmin túsinbeımin. Eshqandaı múddeler qaqtyǵysy joq», - dedi E. Marjyqpaev.
Esterińizge sala keteıik, 2019-2023 jyldary E.Marjyqpaev Aqmola oblysynyń ákimdigin basqarǵan bolatyn.
