Týrızm komıteti qazaqstandyqtardy ızraıl-palestına qaqtyǵysy aýmaǵyna barýdan bas tarta turýdy suraıdy
ASTANA. QazAqparat - Indýstrııa jáne jańa tehnologııalar mınıstrliginiń Týrızm ındýstrııasy komıteti ızraıl-palestına qaqtyǵysynyń ýshyǵýyna baılanysty Qazaqstan azamattarynan Izraıl, Gaza Sektory men Iordan ózeniniń batys jaǵalaýyna barýdan taraptardyń soǵysty tolyq toqtatý rejımine kóshkenge deıin bas tarta turýlaryn suraıdy.
«Izraldiń ońtústik qalalarynda, sonyń ishinde Sderot, Ashkelon, Ashdod, Beer-Sheva, Kırıat-Gat, Netıvot jáne Ofakım qalalarynda ýaqytsha nemese turaqty turatyn Qazaqstan azamattarynan barynsha saqtyqta bolýdy, qajet bolǵan jaǵdaıda Qazaqstannyń Izraıldegi Elshiliginiń Konsýldyq bólimine habarlasýlaryn suraımyz. Konsýldyq bólimge 03516-3411 telefony boıynsha qońyraý shalýǵa, Týrızm ındýstrııasy komıtetine t.sailauuly@mfa.kz. elektrondyq poshtasyna nemese 8 (7172) 74 91 63 telefonyna habarlasýǵa bolady», - delingen baspasóz baıanynda.
