Týrızm qaýipsiz bolsyn desek, vaktsınatsııany mindetti etý kerek – reseılik maman
NUR-SULTAN. TASS - QazAqparat – Halyqaralyq deńgeıdegi saıahat úshin koronavırýs ınfektsııasyna qarsy vaktsına engizýdi mindetteý eń durys sheshim.
Degenmen, bári epıdemıologııalyq jaǵdaıdyń qalaı órbıtinine baılanysty, dedi RF Densaýlyq saqtaý mınıstrliginiń shtattan tys bas ınfektsıonısi Vladımır Chýlanov. Bul týraly QazAqparat TASS agenttigine silteme jasap habarlaıdy.
«Shynynda, eger ınfektsııanyń aldyn alatyn vaktsına nemese ózge tıimdi qural paıda bolsa – bul eń ońtaıly sheshim bolar edi. Sebebi vaktsınoprofılaktıka – eń tıimdi qorǵanys. Eger osyndaı vaktsına paıda bolsa, biz atap ótken talaptyń engizilýi múmkin. Biraq barlyǵy memleketterdiń sheshimine jáne jalpy koronavırýstyń taraý jaǵdaıyna baılanysty bolady», - dedi Chýlanov.
Buǵan deıin densaýlyq saqtaý mınıstrliginiń keńesshisi Sergeı Glagolev jaqyn jyldary halyqaralyq saıahat jasaý úshin qoıylatyn negizgi talaptardyń qataryna koronavırýsqa qarsy ekpe jasatý bolýy múmkin dep boljaǵan edi.
