Týrızm ındýstrııasy komıteti týroperatorlarǵa sońǵy eskertý jasady

ASTANA. QazAqparat - QR Mádenıet jáne sport mınıstrligi Týrızm ındýstrııasy komıteti jaýapsyz týrıstik operatorlarǵa sońǵy eskertý jasap otyr, dep habarlaıdy QazAqparat tilshisi.

«Týragent sheteldik týrıstik kompanııalarmen jáne qonaq úılermen tikeleı jumys júrgize almaıdy. ıAǵnı, týragent mindetti túrde týroperatordan týrıstik ónimdi alý kerek. Al týroperator óz kezeginde áýe kompanııalarymen, sheteldik azamattarmen kelisim jasaıdy», - deıdi QR Mádenıet  jáne sport mınıstrligi týrızm ındýstrııasy komıteti tóraǵasynyń orynbasary Jandos  Bımaǵambetov OKQ-da ótken baspasóz máslıhatynda.

Ol óz sózinde memlekettik organdardyń atynan «Týrıstik qamqor» júıesimen zańdy túrde jumys júrgizip jatqan týroperatorlarǵa alǵys bildirdi.

«Osy júıege kelmegenderdi bizge qosylýyn shaqyramyz. Bul - qorǵa enbegen kompanııalarǵa jasalǵan bizdiń sońǵy eskertýimiz. Aldaǵy ýaqytta tekserýlerdi bastaımyz jáne eskermegender aıyppul túrinde ákimshilik jaýapkershilikke tartylady. Biz osy sońǵy sanktsııany birden qoldanǵymyz kelmegen edi. Báriniń júıeni tolyq túsinip alǵanyn kúttik», - deıdi ol.

Eske sala ketsek, atalmysh komıtettiń ókilderi «Týrıstik Qamqor» qoryna aýdarym jasamaǵan týroperatordyń qyzmeti zańsyz dep tanylatynyn habarlaǵan bolatynbyz.  ıAǵnı, qorǵa qatysýshy týroperator árbir joldanatyn týrıst úshin 0,5 AEK kóleminde aýdarym jasaýy tıis.

Tastan Janatuly