Týrızm ındýstrııasy komıteti qazaqstandyqtarǵa Taıland astanasyna barmaýdy eskertti
ASTANA. QazAqparat - QR Indýstrııa jáne jańa tehnologııalar mınıstrliginiń Týrızm ındýstrııasy komıteti qazaqstandyq týrısterge qazirgi áskerı jaǵdaı jarııalanyp otyrǵan Taılandta abaı bolýdy usynady.
«QR IJTM Týrızm ındýstrııasy komıteti Taılandta júrgen qazaqstandyqtarǵa abaılap júrýdi, halyq kóp jınalǵan jerlerge barmaýdy, quqyq qorǵaý organdary qyzmetkerleriniń barlyq talaptaryn oryndaýdy usynady. Taılandtyń kýrorttyq aımaqtarda demalýdy josparlaǵan qazaqstandyqtarǵa eldiń astanasyna soqpaı barýdy usynamyz», - delingen komıtettiń baspasóz qyzmetiniń habarlamasynda.
Qazirgi ýaqytta komıtet negizgi týrıstik ortalyqtarda (Pattaıa, Phýket, Samýı, Chang jáne Hýahın) jaǵdaı qalypty ekenin atap ótedi. «Taılandqa týrıster jiberetin týrıstik operatorlar men týrıstik agentterge onda barýshylarǵa bul elde áskerı jaǵdaı jarııalanǵandyǵy men qaýpsizdik sharalary týraly eskertýdi usynamyz», - delingen habarlamada.
