Týrıstik uıymdar men tasymaldaýshylar jumysyn qadaǵalaıtyn top qurylady - QR KKM
ASTANA. QazAqparat - Kólik jáne kommýnıkatsııa mınıstrliginde QR týrıstik naryǵynda charterlik tasymaldy damytý máseleleri jóninde keńes ótti. Keńeste mınıstr Jeńis Qasymbek Azamattyq avıatsııa komıtetine kólik salasyndaǵy normatıvti-quqyqtyq aktilerdi jetildirý jónindegi jumys tobyn qurýǵa tapsyrma berdi, dep jazady vedomstvonyń resmı saıty.
Qazirgi kezde Azamattyq avıatsııa komıteti múddeli memlekettik organdardan, Ulttyq kásipkerler palatasynan, týrıstik uıymdar men avıakompanııalardan komıssııaǵa kiretin kandıdatýralaryn kútýde.
Jumys tobynyń negizgi maqsaty - týrıstik kompanııalardyń klıenti bolyp tabylatyn Qazaqstan azamattaryn kúızeliske ushyratatyn qıyn jaǵdaılardy boldyrmaý. Týrısterdiń múddelerin qorǵaý maqsatynda jumys toby kólik salasyna, onyń ishinde tasymaldaýshylarǵa qatysty zańnamaǵa ózgerister engizý jumysyn jalǵastyryp, atalǵan salany jetildirý jóninde usynystar beretin bolady.
«Jumys tobyn qurý týrıstik uıymdar men tasymaldaýshylar jumysyndaǵy kezdesetin sáıkessizdikterdi aıqyndaýǵa kómektesedi. Kólik jáne kommýnıkatsııa mınıstrligi óz quzyrynda halyqtyń ómiri men densaýlyǵyna qater tóndirmeı qaýipsiz ushýlardy qamtamasyz etý úshin barlyq jaǵdaı jasap otyrǵanyna erekshe kóńil aýdaryp otyr», - dep Azamattyq avıatsııa komıtetiniń tóraǵasy Beken Seıdahmetov atap ótti.
