Týrıstik polıtsııa elimizdiń alty óńirinde jumys istep jatyr
NUR-SULTAN. QazAqparat - Týrıstik polıtsııa qazirgi tańda Qazaqstannyń alty óńirinde jumys júrgizýde, dep habarlaıdy QazAqparat tilshisi.
«Sheteldikter elimizge kelgen kezde jaılylyq pen qaýipsizdikti qamtamasyz etý úshin jańa qyzmet - týrıstik polıtsııa quryldy. Ázirge Qazaqstannyń alty óńirinde - Nur-Sultan men Almaty qalasy, Almaty, Aqmola, Túrkistan jáne Shyǵys Qazaqstan oblystarynda týrıstik polıtsııa quryldy», - dedi Erlan Turǵymbaev halyqqa esep berý jıynynda.
Mınıstrdiń aıtýyna qaraǵanda, týrıstik polıtsııanyń negizgi mindeti - keńes berý, qyzyqtyrǵan suraqtar boıynsha týrısterdi aqparattandyrý, qaýirsizdikti qamtamasyz etý bolyp otyr.
«Qazirgi tańda týrıstik polıtsııa ózin jaǵymdy jaqtan kórsetip keledi. Qazaqstanǵa keletin elshilikter men sheteldik kompanııalardan, ınvestorlardan kóptegen jyly sózderdiń kelip jatqanyn atap ótý kerek. Іshki ister organdarynyń bul júıesi sheteldik týrısterdiń qorǵalǵanyn, kez kelgen ýaqytta shaǵymdana alatynyn kórsetip otyr», - dedi mınıstr.
Eske sala ketsek, QR Prezıdenti Qasym-Jomart Toqaevtyń qatysýymen ótken ІІM alqa otyrysynda týrıstik polıtsııa qurylatyny týraly aıtylǵan bolatyn.
