Týrıstik mekemelerge avtobýs satyp alǵany úshin 25% sýbsıdııa beriledi

NUR-SULTAN. QazAqparat – Týrıstik memekemeler 8 oryndyq shaǵyn avtobýstar men avtobýs satyp alsa, onyń 25%-yn memleket tóleıdi, dep habarlaıdy QazAqparat tilshisi.

Mundaı sýbsıdııa eldegi týrıstik qyzmettiń sapasyn arttyrý úshin qolǵa alynyp otyr.

«Týrıstik qyzmet kórsetý kezinde paıdalanylatyn kólik quraldaryn jańartý maqsatynda týrıstik synyptaǵy avtokólikti satyp alý boıynsha shyǵyndardy óteý kózdelip otyr. Óteý kólemi kólik qunynyń 25%-yn quraıdy. Sýbsıdııa 8 jolaýshyǵa arnalǵan mıkroavtobýstar men avtobýstar satyp alýǵa baǵyttalady. Sol arqyly servıs sapasyn arttyrý jáne demalystyń uıymdastyrylǵan túrin yntalandyrý kózdelip otyr», - dedi Týrızm ındýstrııasy komıtetiniń tóraǵasy Dastan Ryspekov oratlyq kommýnıkatsııalar qyzmetinde.

Komıtet basshysy atalmysh sýbsıdııa tek týrsıtik qyzmetke mamandaǵan nysandarǵa tólenetenin eskertti.

«Bul rette osy kólik quraldaryn ádettegi qalalyq jáne qalaaralyq marshrýttarda paıdalanbas úshin sýbsıdııa týrıstik qyzmetke mamandanǵan kásipkerlik nysandaryna ǵana qoldanylady. Bul - týroperatorlar men týragentter, qonaq úıler, demalys bazalary men sanatorııler degen sóz», - dedi Dastan Ryspekov.