Týrıstik qyzmet kórsetetin kompanııalarda azamattyq-quqyqtyq jaýapkershilikti mindetti saqtandyrý bolýy tıis - QR IDM
ASTANA. QazAqparat - Qazaqstan Respýblıkasy Investıtsııalar jáne damý mınıstrligi aldaǵy jazǵy týrıstik maýsymda senimsiz týrıstik kompanııalarmen týyndaýy múmkin máselelerden aýlaq bolý úshin demalysty uıymdastyrý jáne joldama satyp alý maqsatynda týrıstik kompanııany tańdaǵan kezde mynaǵan nazar aýdarýyńyzdy suraıdy:
«Qazaqstan Respýblıkasyndaǵy týrıstik qyzmet týraly» Qazaqstan Respýblıkasynyń Zańyna sáıkes, týroperatorda jáne týragenttikte týroperatordyń jáne týragenttiń azamattyq-quqyqtyq jaýapkershiligin mindetti saqtandyrýdyń jaramdy sharty bolǵan kezde týroperatorlyq jáne týragenttik qyzmetti júzege asyrýǵa jol beriledi.
Týroperatordyń nemese týragenttiń týrıstik qyzmet kórsetýdi júzege asyrýy kezinde týrısterdiń múliktik jáne (nemese) ózge de múddelerin qorǵaýdy saqtandyrý tólemderin júzege asyrý arqyly qamtamasyz etý týroperatordyń nemese týragenttiń azamattyq-quqyqtyq jaýapkershiligin mindetti saqtandyrýdyń maqsaty bolyp tabylady.
Osyǵan oraı, tótenshe túrli jaǵdaıdan aýlaq bolý úshin, týrıstik kompanııadan barlyq qajetti qujattardy suraý qajet, onyq ishinde azamattyq-quqyqtyq jaýapkershiligin mindetti saqtandyrýdyń jaramdy sharttyń bolýy.
