Týrısti qutqaryp, ózi qaza tapqan ushqyshtyń vıdeosy jarııalandy
ASTANA. QazAqparat - Úndistannyń Kalımpong qalasynda paraplan apatqa ushyrady. Qoný kezinde ushqysh qaza taýyp, jolaýshyny qutqaryp qalǵan, dep jazady The Mirror.
Sondaı-aq, basylym paraplannyń qulap bara jatqan vıdeosyn jarııalady.
Oqıǵa Batys Bengalııa shtatynda bolǵan. Jarııalanǵan vıdeoda ushqysh Pýrýshottam Tımsına ushatyn qurylǵyny basqaryp otyr, biraq bir sátte kúmbezinde aqaý baryn baıqaıdy.
Jolaýshy Gaýrav Choýdharı ne bolyp jatqanyn birden túsinbegen. Olar birneshe sekýndtan soń jerge qulaǵan. Tımsına alǵan jaraqaty saldarynan qaza tapty.
