Týrısterge jumsaǵan aqshasynyń 20 paıyzyn qaıtaryp beretin keshbek júıesi engiziledi
«Halyqaralyq tájirıbeni eskere otyryp, Ulytaý, Abaı oblystaryn jáne basqa týrıstik baǵyttardy damytý maqsatynda keshbek engizýdi qarastyryp jatyrmyz. Qazir atalǵan jobany ashyq NQA-ǵa jarııalap, kópshilik nazaryna usyný jumysy júrip jatyr. Joba qoldanystaǵy zańnamaǵa sáıkes ázirlenedi. Mysaly, siz Astanadan Ulytaý oblysyna týrpaket satyp alasyz. Memleket sizge shartty túrde sol týrpakettiń 20%-yn keshbek retinde qaıtaryp beredi», - dedi Ashat Oralov Astana halyqaralyq forýmy barysynda BAQ ókilderiniń saýalyna jaýap bere turyp.
Mınıstrdiń aıtýynsha, atalǵan jańashyldyqty keler jyly iske qosý josparlanyp otyr.
Maqsat – ishki týrızmdi nasıhattaý jáne damytý.
«Bul jobaǵa búkil shaǵyn jáne orta bıznes ókilderi men týragentter qatysa alady. Іshki týrızmdi ilgeriletip, týroperatorlarǵa qoldaý kórsetýimiz kerek. Osy oraıda atalǵan joba jaqsy múmkindik dep otyrmyz», - deıdi ol.
