Týrısterge arnalǵan TravelStan qosymshasy jyl sońyna deıin iske qosylady

ALMATY. KAZINFORM — Almatyda «Qazaqstandaǵy tsıfrlyq týrızm — 2025» forýmy ótip jatyr.

Іs-shara barysynda QR Týrızm jáne sport mınıstriniń orynbasary Erjan Erkinbaev tsıfrlyq quraldarǵa úlken mán berilip jatqanyn atap ótti.

— Elimizdiń ár óńirinde tsıfrlyq platformalar ázirlenip jatyr. Mysaly, Almaty Mastercard-pen óziniń qosymshasyn iske qospaqshy. Biraq bul quraldardyń barlyǵy ózara baılanysýy qajet, — dedi ol.

Vıtse-mınıstrdiń aıtýynsha, týrızm salasyndaǵy barlyq qajetti qosymshalardy biriktiretin bir platforma bıyl iske qosylady. Ol arqyly týrıst ózine qajetti barlyq qyzmetti ala alady.

— Josparymyz boıynsha jyl sońyna deıin TravelStan qosymshasy iske qosylady. Osynda «stan» degen sóz Aýǵanstan degen sekildi adamdardy qorqytady degen pikir bar. Biraq elimiz Qazaqstan jáne elimizdiń mádenıeti, tarıhy baı, tabıǵatymyz ben kórikti oryndarymyz kóp, sondyqtan TravelStan dep marketıngtik qadam jasaıyq degen oı boldy. Bul platforma týrızm salasyndaǵy barlyq tsıfrlyq resýrsty biriktiredi. Biraq servısterdi kiriktirý úshin qosymshamyz aldymen qaýipsizdik talaptaryn oryndap, synaqtan ótip, daıyn ónim bolýy kerek, — dedi Erjan Erkinbaev.

Eske salaıyq, buǵan deıin jasandy ıntellektige negizdelgen TravelStan qosymshasy ázirlenetinin jazǵanbyz.