Týrısterdiń qalaýy túsken TOP-10 qala
ASTANA. QazAqparat - Euromonitor International zertteý agenttigi sheteldik týrısterdiń tańdaýy jıi túsetin álemdegi júz ataqty qalalardy atady.
Atap óterligi, bıyl birinshi ondyqqa Azııanyń birden alty qalasy endi. 32 azııalyq qala júzdikke kirdi. Bul sheteldikter úshin osy óńirdiń erekshe tartymdylyǵyn kórsetedi.
Birinshi orynda - Gonkong. Qalaǵa kelgen saıahatshylardyń jalpy sany 24 mln. adam. Ekinshi orynda - Sıngapýr. Bul jaqqa 21 mln. saıahatshy at basyn tiregen. Bul dodada Bangkok (15, 8 mln. adam) pen London (15,5 mln. adam) teń túsip tur. Máskeý reıtıngte 24-shi oryndy ıelendi.
Halyqaralyq ushýlar sanynyń kórsetkishi boıynsha elderdiń bestigine Germanııa, AQSh, Ulybrıtanııa, Qytaı jáne Reseı kirdi. Osyǵan baılanysty kóptegen elder týrısterdi tartý maqsatynda vızalyq ońaılatylǵan rejimge kóshipti. Mysaly 2014 jyldyń 1 qańtarynan bastap Ońtústik Koreıa reseılikterge uzaqtyǵy 60 kúnnen aspasa, vızasyz-aq kele berýlerine múmkindik berdi.
Týrısterdiń qalaýy túsken top-10 qala
1. Gonkong 2. Sıngapýr 3. Bangkok 4. London 5. Makao 6. Kýala-Lýmpýr 7. Shenchjen 8. Nıý-Iork 9. Antalıa 10. Parıj
