Týrısterden 200 myń teńge suraǵan polıtseıler jaýapqa tartylatyn bolady

TÚRKІSTAN. KAZINFORM - Atalaǵan jaǵdaıǵa qatysty qylmystyq is qozǵaldy.

Sheteldik kólik júrgizýshilerinen 200 myń teńge suraǵan polıtseıler jaıyndaǵy vıdeo áleýmettik jelide keńinen tarap ketti. 

Vıdeo avtorynyń aıtýynsha, tártip saqshylary jolda ketip bara jatqan týrısterdiń kóligin toqtatyp, qujattaryn teksergen. Kóliktiń qazaqstandyq tehnıkalyq tekserýden ótpegeni úshin para suraǵan.

Sondaı-aq, týrısterge shekaraǵa deıin eshkim toqtatpaıtyndyǵyn aıtqan. 

Túrkistan oblysy polıtsııa departamentiniń baspasóz qyzmeti atalaǵan jaǵdaıǵa qatysty qylmystyq is qozǵalǵandyǵyn jetkizdi. 

- Áleýmettik jelilerge monıtorıng júrgizý barysynda patrýldik polıtsııa qyzmetkerleriniń «Shymkent – Samara» jolyndaǵy oqıǵasy anyqtaldy. Qazirgi ýaqytta beınejazba boıynsha tekserý jumystary júrgizilýde.

Aıta ketsek, polıtsııaǵa jábirlenýshilerden qandaı da bir resmı aryz-shaǵym túsken joq, kólik quralynyń derekteri anyqtalmady. Іshki ister mınıstrligi quqyq qorǵaý organdaryna degen senimge nuqsan keltirýi múmkin kez kelgen aqparatqa nazar aýdaryp, qatań ári naqty jaýap beredi.

Osy fakti boıynsha qylmystyq is qozǵaldy, - delingen vodomstvo aqparatynda. 

Sonymen qatar, tıisti qurylym basshylyǵyna qatysty qyzmettik tergeý bastalǵan. 

- Kináliler zańǵa sáıkes jazalanady. Mundaı jaǵdaılardyń aldyn alý maqsatynda patrýldik narıadtardyń jumysyna baqylaý kúsheıtildi. Mınıstrlik qashanda sybaılas jemqorlyq kórinisterine qarsy kúres pen tazartý sharalaryna basymdyq berip keledi. Turǵyndarǵa belsendi azamattyq ustanymdary úshin alǵys bildirip, dıalogqa ashyq ekenimizdi habarlaımyz, - delingen aqparatta. 

Aıta keteıik, budan buryn Túrkistan oblysynda halyqaralyq izdeýde júrgen kúdikti ustalǵanyn jazǵan bolatynbyz.