Týrısterden 200 myń teńge suraǵan polıtseıler qyzmetinen qýyldy - Igor Lepeha
ASTANA. KAZINFORM – Іshki ister mınıstriniń orynbasary Igor Lepeha Túrkistan oblysynda sheteldik blogerlerden aqsha suraý oqıǵasy boıynsha kináli polıtseıler qyzmetinen qýylǵanyn aıtty.
Búgin Parlament Májilisinde tilshiler Túrkistan oblysynda sheteldik kólik júrgizýshilerinen 200 myń teńge suraǵan polıtseıler jaıynda suraq qoıdy.
Óz kezeginde I. Lepeha osy oqıǵa boıynsha tekserý júrip jatqanyn aıtty.
- Qazir is qozǵaldy. Osy qyzmetkerler polıtsııa qatarynan shyǵaryldy, - dedi Іshki ister mınıstriniń orynbasary.
Budan buryn habarlanǵandaı, týrısterden 200 myń teńge suraǵan polıtseıler jaýapqa tartylatynyn jazǵan edik.
Osy oqıǵa boıynsha sheteldik kólik júrgizýshilerinen 200 myń teńge suraǵan polıtseıler jaıyndaǵy vıdeo áleýmettik jelide keńinen tarap ketti.