Týrıster jıi jáne sırek toqtaıtyn óńirler reıtıngi usynyldy

ASTANA. QazAqparat – Mádenıet jáne sport mınıstrligi týrısterge qyzmet kórsetý boıynsha kóshbasshy jáne aýtsaıder óńirler reıtıngin usyndy, dep habarlaıdy QazAqparat.

Týrısterge qyzmet kórsetý kórsetkishi turǵysynan Almaty, Astana jáne Shymkent qalalary kósh bastap tur.

2022 jyly Qazaqstandaǵy ornalastyrý nysandarynyń qyzmetin paıdalanǵan týrısterdiń jalpy sany 7,3 mln adamǵa jetti. Olardyń 45% astamy úsh megapolıste toqtaǵan.

Al ishki týrısterdiń jalpy sany 8,6 mln adamdy qurady.

Almatyǵa – 1,8 mln týrıst (417,4 myńy sheteldik týrıster), Astanaǵa — 1,2 mln-ǵa jýyq (238,5 myń sheteldik týrıst), Shymkentke 450 myńǵa jýyq demalýshy (36,5 myń sheteldik) barǵan.

Іshki jáne syrttan kirgen týrıster eń az aıaldaǵan óńirlerdiń qatarynda Ulytaý oblysy bar. Munda 25 myńnan astam adam toqtaǵan. Budan keıin Qyzylorda jáne Batys Qazaqstan oblystary tur. Atalǵan eki óńirdegi ornalastyrý qyzmetterin 100 myń adam paıdalanǵan.
Aıta keteıik, 2029 jylǵa deıin Mádenıet jáne sport mınıstrligi Qazaqstandaǵy ishki týrızmdi 11 mln adamǵa, al syrttan keletin demalýshylar sanyn 4 mln adamǵa deıin jetkizýge nıetti. Ol úshin jaqynda qabyldanǵan Týrızm salasyn damytý tujyrymdamasynda naqty is-sharalar kózdelgen.