Týrıster úshin álemdegi eń arzan qala anyqtaldy
ASTANA. QazAqparat - 2014 jyly Hanoı týrıster úshin qarjylyq jaǵynan eń qoljetimdi qala atandy, dep habarlady Lenta.ru.
Mundaı tujyrymdy saıahatshylarǵa arnalǵan TripAdvisor saıtynyń qyzmetkerleri jasady. Olar kelýshiler arasynda tıisti saýalnama júrgizip, neǵurlym arzan qalalardyń reıtıngin jasaǵan.
Qalalardyń tizimi tórt juldyzdy qonaqúıge (bir túnge) eki eresek adamnyń ornalasýy, áýejaıdan jáne keri baǵytqa taksı jaldaý, meıramhanadaǵy keshki as baǵasyn, bes juldyzdy qonaqúıdegi kokteıl qunyn (maýsymnan tamyz aıyna deıin) esepke alýmen jasaldy. Sonymen, bul qyzmetter kesheni Vetnamdaǵy Hanoı qalasynda arzanǵa túsedi eken. Onda osynyń barlyǵy úshin 155,3 dollar ǵana qajet. Aıta keteıik, týrısterge Eýropaǵa ushý jáne keri baǵytqa sol jolmen qaıtý úshin orta eseppen 1185 dollar kóleminde qarajat qajet.
