Týrıster torǵa shyrmalǵan jaraly arystandy qutqardy
ASTANA. QazAqparat - Ońtústik Afrıka Respýblıkasynyń ońtústik shyǵysynda Mozambıkpen shekaralas jerde ornalasqan Krıýger ulttyq saıabaǵynyń reındjerleri men veterınarlary «kómek surap» kóshede sendelgen, torǵa shyrmalǵan arystandy qutqardy.
Jyrtqysh ańnyń mundaı jaǵdaıǵa ushyraǵandyǵyn sonda júrgen adamdar Facebook arqyly saıabaq basshylyǵynan jetkizgen.
3 qańtarda osyndaǵy joldardyń birimen kele jatqan týrıster tobynyń janyna ábden qınalǵan arystan sulap túsken. Eki saıahatshy áıel jaraly ańdy sýretke túsirip, ony Facebooktegi saıabaq paraqshasyna salǵan, dep jazady russian.rt.
Artynsha reındjerler men veterınarlar ony taýyp aldy. Olar joldy jaýyp, arystandy denesin shyrmaǵan tordan shyǵardy. Jyrtqyshqa medıtsınalyq kómek kórsetilip, baqqa qaıta jiberildi. Onyń moınyn tilimdegen jaraqat asa tereń bolmaı shyqty.
