Týrıster toly avtobýs kópirden ózenge qulap ketti
ASTANA. QazAqparat - Perýdiń ońtústik-batysynda oryn alǵan kólik oqıǵasynan kem degende 15 adam japa shekti, dep habarlaıdy Rıa Novostı.
Ońtústikamerıkalyq eldiń polıtsııasy senbi kúni Kýsko qalasynan 30 shaqyrym qashyqtyqta týrıster mingen avtobýs kópirden ózenge qulap ketkenin habarlaǵan.
Aldyn ala boljam boıynsha, júrgizýshi burylysta kólikke ıe bola almaı qalǵan. Barlyq japa shekkender aımaqtyq aýrýhanaǵa jetkizilgen. Solardyń ishinde birneshe adam aıtarlyqtaı aýyr jaraqat alǵany aıtylady.
Týrısterdiń qaı elderdiń azamattary ekendigi aıtylǵan joq, ázirshe tek olardyń arasynda AQSh azamattarynyń bary anyqtalǵan.
