Týrıster tanymal ıtalıandyq jaǵajaıdyń qumy men tastaryn uralaýda
ASTANA. QazAqparat - Italııanyń Sardınııa aralynyń Cagliari-Elmas halyqaralyq áýejaıynda kún saıyn bul elden qaıtyp bara jatqan týrısterdiń júginiń arasynan jaǵajaıdan alynǵan qum, baqalshyqtar men tastar salynǵan ondaǵan bótelkeler tabylyp jatyr, dep habarlaıdy «Italııa po-rýsskıı».
Áýejaıdyń keden qyzmetiniń qyzmetkerleri Facebook-te araldyń tabıǵı baılyqtaryn urlaýshylardy áshkereleıtin fotosýretter jarııalanatyn «Tonalǵan Sardınııa» paraǵyn ashqan. Ol aralǵa demalýǵa keletin týrısterge ádemi baqalshyqtardy t.s.s. tasymaldaýǵa bolmaıtynyn eskertýdi maqsat etedi.
Italıandyq zań boıynsha eldiń jaǵajaılarynan qum, tas, baldyr jáne basqa da tabıǵı baılyqtardy tasýǵa tyıym salynǵan.
Týrısterdiń biriniń júginen 25 keli osyndaı «kádesyı» tabylǵan, oǵan aıyppul salyndy. Áýejaıda tárkilengen bul tabıǵı baılyqtar jaǵajaıǵa qaıtarylady. Sardınııa aralyna jyl saıyn shamamen eki mıllıonǵa jýyq týrıst barady.
