Týrıster mingen Crew Dragon ǵarysh kemesi HǴS-qa sátti ushyryldy
SpaceX kompanııasy tórt adamnan turatyn ekıpajy bar AXIOM Space kommertsııalyq mıssııasy aıasynda Halyqaralyq ǵarysh stantsııasyna (HǴS) Crew Dragon ǵarysh kemesin ushyrýdy júzege asyrdy, dep habarlaıdy Kazinform agenttigi TASS-qa silteme jasap.
Translıatsııa Axiom Space saıtynda júrgizildi.
Falcon 9 zymyran tasymaldaǵyshyn Kennedı ǵarysh ortalyǵyndaǵy (Florıda) alańnan ushyrý jergilikti ýaqyt boıynsha 16:49-da boldy.
Crew Dragon 20 qańtarda HǴS-pen túıisedi dep josparlanǵan. Úshinshi «Aksıoma» ǵarysh mıssııasynyń ekıpajy orbıtalyq stantsııada eki aptaǵa jýyq bolyp, 30-ǵa jýyq ǵylymı tájirıbeler júrgizedi dep josparlanǵan.
Ekıpaj quramynda komandır qyzmetin atqaratyn burynǵy NASA astronavty Maıkl Lopes-Alegrııa (AQSh), sonymen qatar ushqysh Valter Vılladeı (Italııa), mıssııa boıynsha maman Markýs Vant (Shvetsııa) jáne taǵy bir mıssııa mamany Alper Gezeravgı bar.
2022 jyldyń sáýir aıynda NASA men Axiom Space HǴS-qa tolyq kommertsııalyq ekıpajdy jetkizý boıynsha birinshi mıssııany oryndady. Bıznesmender Larrı Konnor, Eıtan Stıbbe jáne Mark Petı, sondaı-aq NASA-nyń burynǵy astronavty Maıkl Lopes-Alegrııa 8 sáýirde Crew Dragon bortynda HǴS-qa bardy, al ǵarysh týrısteri dál kelesi kúni stantsııada boldy. Olar onda shamamen 10 kún turýy kerek edi, biraq Florıda jaǵalaýyndaǵy qolaısyz aýa raıy ekıpajdy muhıtqa túsirýge kedergi keltirýi múmkin bolǵandyqtan, ekıpaj stantsııada 15 kún boldy.
