Týrıster kishkentaı delfınmen «selfıge» túsip júrip, ony óltirip aldy
ASTANA. QazAqparat - Argentınada kishkentaı delfın jaǵajaıdaǵy demalýshylardyń «selfıiniń» qurbany boldy. Týrıster tolqynmen jaǵaǵa shyǵyp qalǵan delfındi taýyp alǵan, ony sýǵa jiberýdiń ornyna bir-biriniń qolynan alyp sýretke túsire bastaǵan. Onymen sýretke túsirýshiler kóp bolyp, sútqorekti sý janýary ystyqtan ústi keýip, adamdardyń qolynda óldi, dep jazady PhoneArena.
Jergilikti BAQ-tyń jazýyna qaraǵanda bul - Ońtústik Amerıkanyń jaǵalaýyndaǵy la-plat delfınder túrine jatady. Ol kıttárizdilerdiń ishinde kólemi eń kishkentaıy.
Wildlife Foundation in Argentina aqparatyna sensek, bul delfınder terisi qalyń bolǵandyqtan, qurǵaqta kóp bola almaıdy ıaǵnı, denesi qurǵap sý jetispeýshiliginen óledi. Janýarlardy qorǵaıtyn uıym bolǵan jaıtty Argentınadaǵy soraqy oqıǵa dep baǵalap, oǵan óz alańdaýshylyǵyn bildirdi.
