Týrıster qalyń qar saldarynan Eıfel munarasyna kire almaýda
BRıÝSSELЬ. QazAqparat - Toqtamaı jaýǵan qalyń qarǵa baılanysty Parıjedegi Eıfel munarasy ýaqytsha jabyldy. Bul týraly tarıhı ǵımarat basqarmasynyń resmı saıtynda jarııalanǵan dep habarlaıdy «QazAqparat» HAA menshikti tilshisi.
Jumysshylar qar men muzdy kúrekpen tazalap jatyr, munaranyń baspaldaqtary men alańshalary qar men muzdyń qursaýynda tur.
«Aýa-raıynyń qolaısyzdyǵyna baılanysty juma, senbi kúnderi Eıfel munarasy ýaqytsha jabylady» dep jazylǵan kompanııanyń resmı saıtynda.
Tarıhı nysandy muzdan tazalaý óte qıyn da kúrdeli jumys. Sebebi temirden qurastyrylǵan ǵımarattyń alańshalaryna tuz sebýge bolmaıdy, muzǵa qum sebýge de tyıym salynǵan, qum túıirshikteri lıft joldaryn zaqymdaıtyn kórinedi.
